IE: Hello! 多謝肯出嚟浪費時間。
Natalie: 唔會呀，好開心你搵我。
IE: 見到你套outfit我都好開心。
（下刪一堆客套說話）
IE: 你做咩架？
Natalie: 我係XXXXX(NGO)裡面工作。
IE: ... (腦中開始draft緊呢類大型NGO嘅HR係點樣...Render completed!) Hmmm...甘唔怪得你被HR話啦haha!
Natalie: Haha!

見面之前已叫Natalie著套Inappropriate既outfit出嚟，但當我見到佢我覺得最唔appropriate嘅係佢個人嘅高度...你係唔會想企係佢隔離。

IE : 你都幾高咗吓架喎。
Natalie: 係呀，我係有少少高，坐巴士經常會頂腳，好煩...
IE: ...

大家食完個早餐之後就一齊向沙田公園方向行，邊行邊影邊傾，當日係中秋節雖然天氣有d熱，但尚可接受。幸福嘅Natalie讀大學嘅地方係我認為一生中去多幾次都冇壞嘅愛丁堡，畢業回港後一直於某大型NGO裡工作，平日熱愛戶外運動特別係潛水，而最令我surprise嘅係佢曾經係一個芭蕾舞者，從小已經接受訓練，但可惜嘅係當佢遇到啟蒙老師嘅時候，年紀已經開始大，唔可能再有太大嘅進步空間，所以依家已經擺低咗了。講到呢個位，我記得我哋身處嘅位置係城門河上面某一條橋，之後佢就講...

Natalie: 我有兩個妹，最細嗰個都係跳芭蕾舞，佢先天條件比我好，而佢依家都係努力地朝住呢個方向發展。如果佢做到我做唔到嘅嘢都幾好呀(類似咁嘅意思)
IE: xxxxx (其實我都唔記得我講咗d咩，淨係記得當時佢呢番話正面得嚟帶點唏噓&嗰一刻佢嗰feel好"家姐")

由見面到講bye bye大概3個鐘左右，期間冇講到關於佢嘅穿搭，亦都冇花太多時間考慮點影d相，完全只係一個冇方向嘅sharing，簡單到我如果呢篇嘢耐d先打我肯定唔會記得d details。

近年我不知不覺鐘意咗攝影呢個medium，以前從來都唔覺我會用攝影做到呢咩(當然依家都冇做到d咩) 但依家會留意好多不同攝影師嘅創作(近期非常鍾意睇Alec Soth嘅作品，不能自拔了)。雖然攝影一直都唔係我熟悉嘅範疇，加上真係冇咩技術可言，但我感覺我可以利用呢個medium講到d嘢，講到d graphic & object都未必可以演釋嘅嘢。呢個project係一個十分亂嚟嘅嘗試，但能夠走出自已Comfort zone嘅感覺很不錯。

完成呢個shooting之後諗，如果多年之後同Natalie＆佢嗰妹一齊影一輯關於芭蕾舞嘅相，我相信呢個會係"一件事"。

-Photographed in Sept 2022-